Nënkryetarja e LDK-së, Hykmete Bajrami, ka deklaruar se aktualisht nuk ka ambicie për t’u bërë kryetare e Lidhjes Demokratike të Kosovës – kjo në dritën e kërkesave, si ajo e Avdullah Hotit për ndërrim lidershipi.

“Në këtë fazë unë nuk kam ambicie”, ka deklaruar Bajrami.

E pyetur nëse mendon se duhet të vazhdohet me Abdixhikun si kryetar, Bajrami ka thënë se kur të vjen koha e zgjedhjeve deklarohet.

“E mendoj që ne në këtë fazë, nuk është fazë e zgjedhjeve, kur të vjen koha e zgjedhjeve mandej është koha që të deklarohen të gjithë. Tash kemi agjenda më prioritare: themelimin e institucioneve, dhe pozicionimin e LDK-së karshi kësaj situate. Dhe procesi i rëndësishëm i zgjedhjeve lokale, ku pretendojmë të jemi partia e parë”, ka deklaruar Bajrami në T7./Reporteri.net