Ministri i Financave, Punës dhe Transfereve, Hekuran Murati, ka krahasur opozitën në Kosovë me Serbinë. Disa deklarata, i ka dhënë mbrëmë në emisionin DPT te Fidani në ATV, përcjell Reporteri.net.

“Pak a shumë ngjanë me atë se Serbia ka bërë krime në Kosovë dhe të gjithë e dinë kush është Serbia. Por në fund ne përfunduam me Gjykatë Speciale dhe luftëtarët tanë duke u gjykuar atje. Është kjo logjikë”, tha Murati.

Kur është pyetur se e po e krahason opozitën në Kosovë me krimet e Serbisë, Murati ka thënë “saktë”.

“Nuk është e rëndë as me ju thënë kështu. Ne e dimë çfarë ka bërë kjo opozitë”, shtoi Murati duke thënë se në Kosovë, me Qeverinë Kurti, nuk ka korrupsion.