Nënkryetari i Partisë Demokratike të Kosovës, Enver Hoxhaj, ka folur për koalicionet paszgjedhore duke u shprehur për një koalicion të mundshëm me LDK-në e Isa Mustafës.

I pyetur se a mund të ketë koalicion paszgjedhor me Lidhjen Demokratike të Kosovës, Hoxhaj për T7 ka thënë se është shumë herët të flitet për koalicione të tilla.

Ai nuk e ka pohuar e as mohuar një koalicion të mundshëm me LDK’në.

“Çfarëdo që them tash është herët meqë mënyra e bërjes së koalicioneve deri tash ka qenë e re, çdo herë pas zgjedhjeve kemi pasë situatë të re. S’kemi menduar që koalicioni me LDK’në të përfundojë si ka përfunduar. Nuk dua ta paragjykoj koalicionin e ardhshëm, ndërtimi i tyre është matematikë e ndërlikuar të parashihet katër javë para zgjedhjeve”, tha Hoxhaj.

LDK është shprehur vazhdimisht kundër një koalicioni me partinë e Kadri Veselit.