Qeveria Hoti ka shfuqizuar vendimet përmes së cilave është vendosur masa e reciprocitetit me Serbinë.

Ekzekutivi ka shfuqizuar vendimin e datës 20 mars 2020 të qeverisë së kaluar Kurti për zbatimin gradual të reciprocitetit me Serbinë dhe vendimin e datës 30 maj 2020, për plotësim ndryshimin e vendimit të parë për këtë masë.

Mirëpo, kundër këtij vendimi kanë votuar përfaqësuesit e AAK-së në Qeveri.

Në anën tjetër, Kryeministri Hoti ka thënë se me këtë vendim janë hequr të gjitha kufizimet për dialog si dhe janë përmbushur kërkesat e miqve ndërkombëtare.