AAK është dënuar përsëri nga Komuna e Prishtinës për mospërfilljen e masave anti-COVID gjatë organizimit të tubimeve elektorale me shumë njerëz.

Ky është dënimi i dytë që Drejtoria e Inspektoratit e Prishtinës ka shqiptuar për AAK-në.

Adonis Tahiri, Drejtori i Inspektoratit, me anë të një postimi në Facebook, ka bërë të ditur se partia e Ramush Haradinajt është dënuar me dy mijë euro gjobë.

“Askush mbi ligjin! Grumbullim i më shumë njerëzve – në kundërshtim me vendimin qeveritar; Shkelje e Ligjit për parandalim dhe luftim te Covdi19!”, ka shkruar ai.