Komisioni Qendror i Zgjedhjeve ka publikuar të enjten raportet e paaudituara financiare të partive politike për vitin 2024, shkruan Gazeta Online Reporteri.net.

Nga këto raporte, Aleanca për Ardhmërinë e Kosovës del se ka pasur të hyra vjetore 325 mijë e 58 euro.

Por, për AAK-në, shpenzimet janë gati trefish më të larta se të hyrat.

Përgjatë vitit 2024, kjo parti del të ketë shpenzuar 907 mijë e 796 euro.

Për pagat dhe kompenzimet gjatë vitit 2024, AAK-ja ka shpenzuar mbi 221 mijë euro, ndërsa për fushatën, sipas këtij raporti ka shpenzuar 3,215 euro.

22 mijë e 294 euro ka shpenzuar për reklamat, reprezentacioni dhe konferencat, ndërsa për transport mbi 4 mijë euro.

Shpenzime të përgjithshme kjo parti thotë se ka bërë në vlerë 61 mijë e 736 euro, ndërsa ato të ndryshme, 586 mijë e 976 euro.

/Reporteri.net/