AAK për shkarkimin e Dakës: Po dëshmohet kapja e shtetit

Lajme

AAK për shkarkimin e Dakës: Po dëshmohet kapja e shtetit

Reporteri

14 Qershor 2021 | 16:45

Presidentja e Kosovës Vjosa Osmani ka shkarkuar kryetaren e KQZ-së, Valdete Daka. Për këtë ka reaguar Aleanca për Ardhmërinë e Kosovës, ku tha se edhe më tej është duke u dëshmuar kapja e shtetit.

“Aleanca për Ardhmërinë e Kosovës konsideron se shkarkimi i Kryetares së Komisionit Qendror Zgjedhor (KQZ), znj. Valdete Daka, nga Presidentja Osmani, është praktikë e paparë institucionale dhe dëshmon për të satën herë kapjen e shtetit. Sulmi në institucionet e menaxhimit të zgjedhjeve, është tregues i tentimit për vendosjen e autokracisë, fenomen për të cilin Aleanca ka tërhequr vërejtjen shumë kohë më pare”, thuhet në reagim.

Më tej, në reagim thuhet se arsyetimet e dhëna për shkarkimin e Dakës janë të pasakta.

Lexo edhe:

Tregtimi “në të zezë” i energjisë në vitin 2024 dhe anashkalimi i ALPEX-it nga “të gjithë”

Mustafa: Vendimi i Gjykatës kundër ZRRE-së mbron sektorin privat nga një goditje e madhe

Me plis në kokë e me flamuj kuq e zi, kryetari i New Yorkut: Mezi pres të shkoj në Shqipëri

“Arsyetimet e dhëna për shkarkimin e znj. Daka janë të pasakta, sepse para shkarkimit i është kërkuar dorëheqja në këmbim të mirënjohjes. Ky është tregues i qartë i mënyrës së qeverisjes qe po tentohet të instalohet në vendin tonë. I bëjmë thirrje qeverisë së Republikës së Kosovës që të ndalojë përpjekjet për kapjen e shtetit dhe arrogancën e numrave. Kosova është Republikë Parlamentare me demokraci të konsoliduar dhe si e tillë funksionon dhe është pranuar nga shumë shtete. Këto praktika jodemokratike duhet të marrin fund”, thuhet tutje në reagim.

Shpërndaje: