Nënkryetari i AAK-së, Muharrem Nitaj ka thënë se pritshmëritë e AAK-së janë të thjeshta dhe se ky subjekt synon së paku 20 mandate në Kuvendin e Kosovës.

“Prishmëritë e AAK-së janë të qarta, presim të marrim 20 deputetë minimum dhe mendoj se ky është një objektiv lehtësisht i arritshëm”, tha Nitaj në RTK.

“AAK është një parti politike që qëndron në politikën vendore që 20 vjet, dhe ka një konsistencë të vazhdueshme dhe ka qenë katër herë në qeveri e po ashtu drejton shtatë komuna që është numri më i madh nga të gjitha subjektet. AAK ka pasur gjithmonë rritje ndonëse të ngadaltë, por të sigurt”, tha ai.