Aleanca për Ardhmërinë e Kosovës dhe Partia Shqiptare Demokristiane e Kosovës, kanë arritur koalicion parazgjedhor.

Kështu ka bërë të ditur kreu i AAK-së, Ramush Haradinaj, i cili thotë se të dyja subjektet, AAK dhe PSHDK, do të garojnë e bashkëveprojnë si partnerë të barabartë.

“Aleanca për Ardhmërinë e Kosovës dhe Partia Shqiptare Demokristiane e Kosovës, kanë një traditë të mirë bashkëpunimi gjatë rrugëtimit tonë politik. Sot, së bashku me kryetarin Zef Morina, kemi nënshkruar marrëveshjen për bashkëpunim në zgjedhjet e 14 shkurtit. Të dyja subjektet, AAK dhe PSHDK, do të garojnë e bashkëveprojnë si partnerë të barabartë.
Na priftë e mbara”, ka shkruar Haradinaj në Facebook.

Reporteri.net merr vesh se nënkryetari i PSHDK-së, Anton Shala, do të jetë kandidati i vetëm për deputet i kësaj partie në listën e AAK-së.

Shala është edhe kryesues i Kuvendit Komunal të Gjakovës.

/Reporteri.net/.