Kryeministri i Malit të Zi, Dritan Abazoviq, ka shpërndarë disa pamje të vizitës së tij dhe kryeministrit të Shqipërisë, Edi Rama, në Kiev.

Abazoviq kishte marrë ftesën nga presidenti ukrainas, Volodymyr Zelensky, disa ditë më parë për këtë vizitë dhe kishte paralajmëruar se do të ftonte edhe liderët tjerë të Ballkanit Perëndimor.

“Udhëtimi në Kiev – Lutemi për paqe”, shkruan ai.

Ndryshe, i ftuar nga Zelensky për ta vizituar në Ukrainë ka qenë edhe kryeministri i Maqedonisë së Veriut, Dimitar Kovaçevski, por është njoftuar se ai për shkak të agjendës së paracaktuar nuk do të mund të udhëtojë.

Të tre shtetet e Ballkanit Perëndimor, liderët e të cilave i ftoi Zelensky në Kiev, janë vende anëtare të NATO’s.

Rama e Abazoviq nisen për të takuar Zelenskyyn në Kiev