Deputeti i PDK-së, Abelard Tahiri, ka folur për media para hyrjes në objektin e Kuvendit të Kosovës ku edhe do të mbahet seanca e radhës për konstituimin e Kuvendit.

Tahiri ka thënë se më e keqe se bllokada aktuale, do të ishte nëse kreu i VV-së arrin që ta krijojë qeverinë e re dhe që Kurti të bëhet kryeministër përsëri

“Perspektiva e këtij vendi është duke u hapur për vëllezërit dhe motrat e këshilltarëve të kryeministrit Kurti. Sot, perspektivë kanë familjarët e tyre, jo qytetarët”.

“Ne si deputetë, fakti që jemi çdoherë këtu dhe kundërshtojmë, besoj se tregon që jemi në krye të detyrës. Më e keqe se kjo bllokadë është nëse arrin të bëhet përsëri kryeministër Kurti”, ka deklaruar ai. /Reporteri.net/.