Anëtari i Kryesisë së Lidhjes Demokratike të Kosovës, Arban Abrashi, ka reaguar pas zyrtarizmit të marrëveshjes për zgjedhjet e 14 shkurtit mes Vjosa Osmanit dhe liderit të VV-së, Albin Kurti.

Abrashi ka shkruar se LDK sot është rritur për 4%, shkruan Reporteri.net.

“E faktuar. Sot LDK ka ngritje 4%. Vazhdojmë LDK”, ka shkruar ai.

Kujtojmë se sot është zyrtarizuar bashkëpunimi mes, Vjosa Osmani dhe kreut të VV-së, Albin Kurti.

Marrëveshja mes Lëvizjes Vetëvendosje dhe iniciativës së Vjosa Osmanit përmban 10 zotime i pari nga të cilët është vettingu në sistemin e drejtësisë dhe lufta e pakompromis kundër korrupsionit dhe krimit të organizuar.