Forca e Sigurisë së Kosovës do të pasurohet me rekrutë të rinj, të cilët do t`i shtohen formacioneve të kësaj force.

Ceremonia e certifikimit të tyre do të mbahet sot, në orën 10:00, në kazermën “Adem Jashari” të Komandës së Forcave Tokësore në Prishtinë.

Ky është brezi i parë i rekrutëve për vitin 2019.

Në këtë aktivitet, pritet të marrin pjesë presidenti Hashim Thaçi, ministri i Mbrojtjes, Rrustem Berisha, komandanti i FSK-së, gjenerallejtënant Rrahman Rama si dhe gjeneralë, oficerë, mysafirë dhe familjarë të rekrutëve të rinj.

Forca e Sigurisë së Kosovës ka për synim ngritjen dhe profesionalizimin e mëtejmë drejt arritjes së cakut për integrim në Alancën Veriatlantike, NATO.