Ashtu si çdo fundvit, edhe kësaj radhe, ka marr vëmendja festa e Jasharëve në Prekaz.

Ademi i ri e Hamza i ri, në krahët e familjarëve të ngushtë, kanë pritur ndërrimin e motmoteve.

Fotografi nga ky moment publikoi Besarta, e bija e Hamzës.

Përmes një postimi në rrjetin social “Facebook”, Besara s’e mohoi lumturinë e qëndrimit pranë pasardhësve të babait e xhaxhait të saj, që në fakt edhe i kanë trashëguar emrat e këtyre të fundit.

E LUMTUR

Nuk përshkruhet ndryshe, momenti i darkës së fundvitit në familjen time në Prekaz. Sidomos pas një viti të mundimshëm për mbarë globin.

REFLEKSION

Ademi i ri dhe Besimi i ri, qëndrojnë anash por na ruajnë sikur Bali Adem e vëllau Besimi që ishin bashkë atëherë dhe u bën mburojë e familjes tonë…
Në krahun e majtë kam Igballin e ri dhe Hamzën e ri, me japin shpresë e forcë sikur Babushi, që atëherë këndonte e Igballi e përcjellte…
Në krahun e djathtë kam Shabanin e ri, që të gjithë jemi krenarë me të, si dikur edhe sot me babën Shaban që ishte burimi i atëdhedashurisë për të gjithë.

POROSI

Nga Oda e Familjes Jashari, uroj çdo të mirë për kombin tonë. Uroj dashuri e bashkim mes kombit tonë dhe shëndet e paqe në familjet tona.
E juaja,
Besarta Hamëz Jashari