Gazetari Adriatik Kelmendi ka reaguar ashpër pas anulimit të festivalit “Sunny Hill”, që ishte paraparë të mbahet në Prishtinë.

Ai e ka quajtur këtë krim, duke thënë se ngjarja më e madhe kulturore që ka mundur ta ketë Prishtina ndonjëherë gjatë historisë, nuk po mbahet sivjet në Prishtinë shkaku i burokracisë institucionale.

Sipas Kelmendit ky është sabotim i vendit dhe krim dhe për këtë dikush duhet të japë dorëheqje urgjentisht, shkruan Reporteri.net.

“Dua Lipa sot është këngëtarja më e popullarizuar në botë. Plot njerëz në botë sot e dinë që ekziston Kosova vetëm pse e duan Dua Lipën. Ky është dëshpërim përtej të imagjinueshmes. Dikush duhet të japë dorëheqje urgjent, si dhe të hetohen arsyet pse nuk duan të promovohet Kosova. Ky është sabotim i vendit! Ky është krim!”, ka shkruar Kelmendi./Reporteri.net

Postimi i tij i plotë:

Ky është krim! Festivali Sunny Hill, ngjarja më e madhe kulturore që ka mundur ta ketë Prishtina ndonjëherë gjatë historisë, nuk po mbahet sivjet në Prishtinë shkaku i burokracisë institucionale.

Krejt bota synon ta ketë një këngëtare si Dua Lipa. Ne ia mbyllim derën.

Dua Lipa sot është këngëtarja më e popullarizuar në botë. Plot njerëz në botë sot e dinë që ekziston Kosova vetëm pse e duan Dua Lipën.

Ky është dëshpërim përtej të imagjinueshmes.

Dikush duhet të japë dorëheqje urgjent, si dhe të hetohen arsyet pse nuk duan të promovohet Kosova.

Ky është sabotim i vendit! Ky është krim!