Gazetari Adriatik Kelmendi ka shprehur shqetësimin e tij për reagimet e tepruara të qytetarëve ndaj incidentit të ndodhur në “Big Brother VIP”, ku një banor u godit me shuplakë.
Në një postim të tij në rrjetet sociale, Kelmendi theksoi se ka pasur më shumë reagime për këtë ngjarje televizive sesa për shtrenjtimin e rrymës, çështje kjo që prek direkt jetën e qytetarëve.
Ai e konsideron këtë një shenjë shqetësuese të humbjes së balancës mes racionalitetit dhe emocioneve në shoqërinë tonë.
”Më shumë reagime për një shuplakë në një format televiziv të gatuar për nxitjen e situatave ekstreme, sesa për shtrenjtimin e rrymës. Kemi problem me prioritetet dhe balancimin e racios dhe emocios.
Ai që paska marrë shuplakë në fund e fiton “spektaklin”, ne të tjerët fitojmë… Urime!”, shkruan Kelmendi.
Tutje thekson se shoqëria po shpërqendrohet nga tema të rëndësishme dhe po i jep prioritet spektaklit dhe trendeve mediatike të momentit.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.