Si edhe në dy vitet e kaluara edhe sivjet kryetari i Komunës së Mitrovicës, Agim Bahtiri ka deklaruar pasuri marramendëse në Agjencinë Kundër Korrupsion(AKK).

Pasuria e tij paluajtshme kap vlerën 7 milionë e 560 mijë euro, mes tyre katër shtëpi dhe një tokë bujqësore.

Bahtiri ka deklaruar se toka bujqësore 17 hektar ka vlerën 6 milion e 200 mijë euro.

Gjithashtu sipas deklarimit, ai ka ende në pronësi veturën luksoze të tipit Audi Q7 e cila kushton 10 mijë euro.

Para të  gatshme të ruajtura në bankë Bahtiri ka 10 mijë euro, ndërsa ka kredi 450 mijë euro për blerjen e një shtëpie të cilën e ka me kohëzgjatje 2015-2019.

Ai ka të hyra vjetore 17 mijë e 606 euro nga pozita si kryetar.

Ndërsa nga fabrika e kërpudhave ‘Green Mushroom Farm’ në Holandë ai ka deklaruar së fëmijët e tij marrin 336 mijë euro në vit.