Nënkryetari i AAK-së, Ahmet Isufi, ka thënë se koalicioni PAN ka mendime të ndryshme për çështje të caktuara, por nuk ka përçarje, që ta rrezikojë koalicionin.

Deputeti i AAK-së ka folur të enjten në “Imazh” të RTK-së.

“Në brendësi të koalicionit nuk ka ndonjë problem, ka ndonjëherë mendime të ndryshme për temat, gjë që është normale. Momentalisht nuk shoh ndonjë përçarje që e rrezikon koalicionin”, ka thënë Isufi. “Opozita nuk është e gatshme ta bëjë një gjë të tillë (rrëzimin e Qeverisë v.j.), qoftë për shkak të zgjedhjeve të LDK-së, ndarjes së Vetëvendosjes dhe në anën tjetër stabilitetit që e ka koalicioni”, tha Isufi.

Isufi ka theksuar se AAK-ja dhe Nisma Socialdemokrate kanë pasur kohëve të fundit debat, por ka ekzistuar komunikimi dhe është gjetur mirëkuptimi.