Nënkryetari i AKR-së, Fatmir Matoshi pas takimit me emisarin e Bashkimit Evropian për dialogun Kosovë-Serbi, Mirosllav Lajçak ka thënë se territori i Kosovës nuk duhet të negociohet në bisedimet me Serbinë.

Matoshi po ashtu ka folur edhe rreth pjesëmarrjes së AKR-së në takimin me kryeministrin Avdullah Hoti.

Ai tha se me të dërguarin e BE-së, diskutuan për qëndrimet politike në raport me dialogun Kosovë-Serbi.

“Vizita e parë e emisarit të BE-së për dialogun Kosovë Serbi. Kryesisht ishte i interesuar t’i dijë qëndrimet politike në raport me dialogun Kosove Serbi. Nuk do të flitet për territore, por kryesisht për aspektin e zhvillimit ekonomik”.“Ne e mbështetëm edhe lëvizjen e BE-së në drejtim të dialogut. Besojmë në një proces të udhëhequr nga ShBA-ja problemet me Serbinë do te mbarojnë shpejt”.

Ai foli edhe për takimin e ftuar për të enjten nga kryeministri Avdullah Hot.

“Ka ardhur një ftesë dhe ende nuk e dimë se kush do të marrë pjesë në takim me kryeministrin Hoti, sepse ish-Presidenti Pacolli nuk ndodhet në Kosovë”, tha .