Një aksident me fatalitet ka ndodhur sonte më autostradën “Ibragim Rugova”.

Lajmin për gazetën online Reporteri.net e ka konfirmuar zëdhënësi i Policisë së Kosovës, Daut Hoxha.

Ai nuk ka dhënë detaje për numrin e viktimave, por ka treguar se në aksident janë përfshirë kamionë dhe dy automjete, njëra me traga të huaja, tjetra vendore.

“Me datë 21.10.2024 rreth orës 18:40 ne autostradën ‘Dr.Ibrahim Rugova’ Prizren Veri-Prizren Jug; km-13 është shkaktuar një aksident trafiku me fatalitet ku janë të përfshira: Një automjet me targa të huaja, një kamion dhe një automjet me targa vendore.”, ka thënë Hoxha.

Ai ka treguar se në vendin e aksidentit kanë dalë njësitet relevante policore dhe ekipe tjera.

“Policia është duke ndërmarr veprimet e nevojshme hetimore lidhur me shkaktarët e këtij aksidenti të rendë. Për detaje tjera do te njoftoheni nga kompetentet pas raportimeve shtesë.”, tha Hoxha.