Një aksident trafiku ka ndodhur para pak çastesh rrugës për në Gjakovë, ku raportohet se ka edhe persona të lënduar.

Reporteri.net ka kontaktuar me Albin Sahtqijën shef i policisë së trafikut në Gjakovë, por ai ka thënë se aksidenti ka ndodhur tek një fshat i Klinës, tek vendi i quajtur “rrasat e Gllarevës” dhe se policia rajonale e Pejës mund të japë informacionet më të detajuara.

Reporteri.net ka kontaktuar edhe zëdhënësin e policisë së Pejës Xhevat Ibraj për aksidentin në fjalër por ai ka pohuar se nuk është informuar nga hetuesit policor ende.

Në fotot e siguruara nga Koha.net shihet një kombi që transporton udhëtarë i cili është aksidentuar dhe në vendin e ngjarjes është edhe autoambulanca.

Kujtojmë se sot ndodhën edhe dy aksidente trafiku në Prishtinë.

Njëri në magjistralen Prishtinë-Ferizaj, përkatësisht në Babush, ku janë përfshirë dy vetura, një prej tyre taksi dhe tjetri te shkolla “Ali Sokoli” ku një motoçiklist mbeti i lënduar pasi u përplas nga një veturë. /Reporteri.net/.

Aksident në autostradën ‘Arber Xhaferi’, katër persona të lënduar