Katër persona janë lënduar në aksident trafiku në magjistralen Prishtinë – Podujevë, konkretisht në fshatin Lupç.

Në aksident ishin të përfshira dy automjete.

Kështu bëri të ditur për Reporteri.net Flora Ahmeti, zëdhënëse e policisë për rajonin e Prishtinës.

“Si pasojë e aksidentit katër persona kanë pësuar lëndime trupore. Personat e lënduar kanë marrë trajtimin e nevojshëm mjekësor”, ka deklaruar ajo.

Ahmeti ka thënë se njësia rajonale e trafikut ka dalë në vendin e ngjarjes dhe ka nisur një hetim për zbardhjen e shkaqeve të këtij aksidenti. /Reporteri.net/.