Sot rreth orës 17:30, në rrugën Luan Haradinaj në Prishtinë, ka ndodhur një aksident trafiku në mes të një automjeti dhe një biçiklete.

Lajmin për Gazetën Online “Reporteri.net” e ka konfirmuar Flora Ahmeti, zëdhënëse e Policisë për Rajonin e Prishtinës, gjersa bëri të ditur, se si pasojë e këtij aksidenti, drejtuesja e biçikletës ka kërkuar ndihmë mjekësore.

“Rreth orës 17:30, në rrugën Luan Haradinaj- Prishtinë, ka ndodhur një aksident trafiku në mes të një automjeti dhe një biçiklete. Si pasojë e aksidentit, ndihmë mjekësore ka kërkuar drejtuesja e biçikletës. Me rastin po merret njësiti i trafikut”, tha ajo.