Në orët e para të mëngjesit ka ndodhur një aksident trafiku me fatalitet në fshatin Vogovë të Gjakovës.

Rastin e ka konfirmuar për Gazetën Online Reporteri.net, zëdhënësi i policisë për rajonin e Gjakovës, Sheremet Elezaj.

Ai ka bërë të ditur se një person, shtetas i Shqipërisë, ka mbetur i vdekur, dhe tre të tjerë janë lënduar.

“Me datën 27.04.2025, rreth orës 02:05, jemi njoftuar për një aksident trafiku në fshatin Vogovë – Gjakovë. Në vendin e ngjarjes kanë dalë njësitet e nevojshme policore, ku dyshohet se shoferi i një automjeti, gjatë lëvizjes, ka humbur kontrollin mbi automjetin dhe është vet-aksidentuar. Si pasojë e aksidentit, një person (mashkull, shtetas i Shqipërisë) ka humbur jetën, ndërsa tre persona të tjerë kanë pësuar lëndime dhe janë dërguar për trajtim mjekësor”, tha ai për Reporteri.net.

/Reporteri.net/