Një aksident në të cilin janë përfshirë disa vetura ka ndodhur afër Menzës së Studentëve në Prishtinë.

Në këtë aksident, janë lënduar gjashtë persona.

Zëdhënësi i Policisë, Agron Borovci ka dhënë detaje përkitazi me këtë aksident.

“Rreth orës 15:30, është raportuar për një aksident trafiku në rrugën “Xheladin Rekaliu” në Prishtinë. Nga informatat e para bëhet e ditur se në aksident janë përfshirë një autobus dhe dy vetura, ndërkaq deri më tani gjashtë persona kanë kërkuar ndihmë mjekësore. Njësia rajonale e trafikut ka dalë në vendin e ngjarjes dhe ka nisur një hetim lidhur me rrethanat e këtij aksidenti”, ka deklaruar Borovci.