20 persona raportohet se janë lënduar pasi një autobus që po udhëtonte nga Kosova është aksidentuar në Salburg të Austrisë.

Tre nga ta raportohet se janë lënduar rëndë, raportojnë mediat austriake,  transmeton Reporteri.net.

“Aktualisht dimë për tre të plagosur rëndë dhe 16 të plagosur lehtë”, thanë për APA nga policia.

Aktualisht nuk ka raportime për viktima.

Sipas mediave austriake autobusi autobusi me rreth 50 pasagjerë mësohet se është përplasur me një parmake mbrojtëse.

Aksidenti ndodhi rreth orës 03:30 mes nyjeve Salzburg-Nord dhe Wallersee në drejtim të Vjenës.