Lëvizja Vetëvendosje dhe Lidhja Demokratike e Kosovës e kanë përfunduar takimin e sontëm duke mos u marrë vesh për koalicionin, por duke u dakorduar që të takohen prapë.

Burime të Reporteri.net konfirmojnë që nga të dy liderët është shprehur nevoja për një takim të radhës, mirëpo për detajet e takimit është lënë të vendoset më vonë.

Ndërkohë, krerët e partive nuk kanë folur pas mbarimit të takimit, në vend të kësaj ata kanë zgjedhur t’u ikin gazetarëve.

Edhe sonte, siç duket, posti i kryekuvendarit ka qenë “mollë sherri”, që VV e LDK të mos arrijnë marrëveshje.

Para takimit të sotëm, Kurti e Mustasfa u takuan fshehtë të premten mbrëma larg syrit të mediave në Universitetin Amerikan, e jo siç u raportua në Prapashticë.

Ky takim erdhi pas disa ditësh bllokadë, dhe fyerje e akuzave mes zyrtarëve të VV-së e LDK-së ku fajësuan njëri-tjetrin për mosarritjen e marrëveshjes./Reporteri.net