Kryetari i Lëvizjes Vetëvendosje, Albin Kurti, ka qëndruar sonte në Prizren, ku duket i buzëqeshur nën shoqërinë disa deputetëve të pakicave.

Ai, bashkë me Xhelal Sveclen dhe Mytaher Haskukën, kanë zhvilluar takim me deputetët që pritet ta përkrahin Kurtin për ta bërë Qeverinë, shkruan Reporteri.net.

Në fotografinë e publikuar nga mediat lokale, shihen deputetët Albert Kinolli, Emilia Recepi, Fikrim Damka, Rasim Demiri dhe Fidan Jilta.

Nuk është bërë e ditur se çfarë u bisedua në këtë takim, por dihet që u raportua nga mediat se disa nga këta deputetë ka mundësi t’i bashkohen LDK-së.

Kurti, ndërkohë, nuk ka komunikuar asgjë me mediat dhe takimi duket mjaft joformal. Takim të tillë ai pati mbajtur edhe pa u certifikuar rezultatet e zgjedhjeve./Reporteri.net