Presidenti Hashim Thaçi përmes një njoftimi ka bërë të ditur se nesër do të pret në takim liderët institutcional dhe politik.

Thaçi ka njoftuar se liderët do t’i takoj veç e veç. Takimet i nis me kreun e LDK-së, Isa Mustafa, vazhdon me Kadri Veselin e PDK-së, pastaj Ramush Haradinajn, vazhdon me Kurtin, Limajn e krejt në fund Pacollin, shkruan Reporteri.net.

Nuk dihet nëse të gjithë liderët do t’i përgjigjen pozitivisht thirrjes së presidentit Thaçi për takim.

Por kryeministri Albin Kurti  në agjendën e tij për  ditën e nesërme nuk ka paraparë ndonjë takim me presidentin Thaçi, shkruan Reporteri.net.

Në ora 10:30 kur Thaçi ka paraparë të nis takimin me kreun e LDK-së, Isa Mustafa, kryeministri Kurti do të zhvillojë takim me themeluesin e Fondit Amerikan të Edukimit në Kosovë.

Në ora 11:00 do të marrë pjesë në seancën e Kuvendit që mbahet për 8 marsin ku deputetëve do t’iu drejtohet me një fjalë rasti Vasfije Krasniqi-Goodman.

Në ora 14:00, vetëm 30 minuta para takimit që Thaçi ka planifikuar të zhvilloi me Kurtin, ky i fundit ka paraparë të marrë pjesë në shënimin e Ditës Ndërkombëtare të Gruas organizuar nga Agjencia për Barazi Gjinore.

Kurse në ora 15:30 Kurti ka paraparë të pres në takim bordin e organizatës joqeveritare GERMIN. /Reporteri.net/.