Kryeministri i Kosovës, Albin Kurti, ka vendosur t’i përfillet deri në detaje sugjerimeve të eskpertëve rreth përhapjes së koronavirusit.

Ai nuk i ka dhënë dorën sot shefit të EULEX, Lars Gunnar Wigemark, me të cilin pati takim në zyrën e tij, shkruan Reporteri.net.

“Masat parandaluese kunder përhapjes së coronavirusit në takimet e kryeministrit”, ka shkruar këshilltari për media i Kurtit, Erzen Vraniqi.

Ndërkohë, këto masa të kryeministrit Kurti vijnë vetëm një ditë pasi e tha vetë se nuk do t’u flas për dore as ministrave të tij.

Ndryshe, Qeveria e Kosovës ka kërkuar nga institucionet që të nisin me dezinfektimin e hapësirave të tyre, për të parandaluar përhapjen e koronavirusit./Reporteri.net