Sot dështoi dy herë të zgjidhet nga Kuvendi, por Albulena Haxhiu ka thënë se do të jetë sërish emri i propozuar për kryeparlamentare, shkruan Reporteri.net.

Ajo akuzoi se opozita po e mban të bllokuar Kuvendin, pasi s’e mbështetën propozimin e Vetëvendosjes.

“Së pari më lejoni të falenderoj 57 deputetë që më mbështetën që të jem kryetare e Kuvendit, duhen edhe 4 vota. Pra, nga të gjithë deputetët, 61 duhet të jenë për. Siç e kuptuat, seanca u peuzullua, brenda 48 orëve u thirr seanca e radhës, Kuvendi nuk kunstitohet pa u zgjedhë kryetari dhe nënkryetarët. Ne ishim gati të vazhdojmë me procedurat e mëtejme, mirëpo duket që opozita po e mban të bllokuar Kuvendin sepse nuk e mbështeten propozimin e VV-së. I përket VV-së ta bëjnë propozimin e radhës, do të jetë emri i njëjtë, faleminderit”, tha ajo.

Kujtojmë se në dy votimet, Haxhiu mori vetëm nga 57 vota, nga 61 të nevojshme.

Nisma Socialdemokrate nuk e votoi për kryeparlamentare, ani se edhe vet ajo kishte deklaruar se i kanë numrat e nevojshëm. /Reporteri.net/.