Ministri në detyrë i Infrastrukturës, Liburn Aliu, ka ndarë pamje nga punimet në rrugën nacionale Prishtinë-Mitrovicë, shkruan Reporteri.net.

Punimet po zhvillohen në segmentin e dytë të kësaj rruge.

Segmenti i parë i kësaj rruge është përuruar në dhjetor të vitit të kaluar.

Në përurimin e segmentit të parë, kryeministri Albin Kurti kishte deklaruar se “për përfundimin e tërësishëm të kësaj rruge Qeveria ka nënshkruar marrëveshje për hua në vlerë 15 milionë euro për ndërtimin e segmentit Smrekovnicë – Mitrovicë me gjatësi 5 kilometra”.

Kjo rrugë ka filluar së ndërtuari që nga viti 2009./Reporteri.net