Ambasadori Britanik, Nicholas Abbott, ka folur në hapjen e seminarit dy ditorë për luftimin e pastrimit të parasë dhe konfiskimit të pasurisë, të organizuar nga Ambasada Britanike.

Me këtë rast ambasadori Abott tha se dënimi nuk është i plotë nëse nuk konfiskohet pasuria e paligjshme.

Abbott tha se shpreson se kjo punëtori do të shfrytëzohet si platformë e mirë për praktikë më të mira në hetim dhe ndjekjen penale të pastrimit të parasë, shkruan Reporteri.net.

Seminari udhëhiqet nga Gjykatësi Britanik Michael Hopmeier, i cili ka ndarë eksperiencën e tij me rastet e krimeve ekonomike me gjykatës, prokurorë dhe hetuesit nga policia, dogana dhe administrata tatimore e Kosovës. /Reporteri.net/.