Ambasadori i Britanisë së Madhe në Kosovë, Nicholas Abbott, është takuar sot me kryetaren e Gjykatës Kushtetuese, Arta Rama-Hajrizin, raporton Reporteri.net.

Nëpërmjet një postimi në Twitter, ambasadori britanik ka thënë se me Rama-Hajrizin kanë diskutuar lidhur me vendimet e fundit të kësaj gjykate, ndërsa tregoi se ia ka ofruar asaj mbështetjen e tij për ta siguruar pavarësinë e kontrollit më të lartë mbi pushtetin legjislativ dhe ekzekutiv në Kosovë.

“Sot takova Arta Ramën-Hajrizin, Kryetaren e Gjykatës Kushtetuese. Ne diskutuam vendimet e fundit të gjykatës dhe unë ofrova mbështetjen time për të siguruar pavarësinë e Gjykatës dhe sundimin e ligjit në Kosovë”, ka shkruar Abbott.

Today I met Arta Rama-Hajrizi, President of the Constitutional Court. We discussed recent court decisions and I offered my support to ensuring the Court’s independence and the rule of law in Kosovo. pic.twitter.com/vJ3a7bjpjz

— Nicholas Abbott (@nickabbottfcdo) February 4, 2021

Qytetarët e Kosovës do të duhet të dalin në zgjedhje për herë të dytë brenda një viti e gjysmë, pasi një gjë të tillë e ka urdhëruar Gjykata Kushtetuese përmes një aktgjykimi të shpallur në dhjetor të vitit të kaluar.

Sipas kësaj gjykate procesi i votimit të Qeverisë së udhëhequr nga Avdullah Hoti, i cili e mori detyrën e kryeministrit në qershor, ishte jo kushtetues për shkak të votës së Etem Arifit nga Partia e Ashkalinjëve për Integrim, i cili ishte dënuar me 15 muaj burgim.

Kujtojmë që çështjen e legjitimitetit të mandatit të Etem Arifit e kishte ngritur për shqyrtim në Kushtetuese një grup i deputetetëve të Lëvizjës Vetëvendosje.

Gjykata Kushtetutese e shpalli të paligjshëm mandatin e Arifit dhe vlerësoi se vota e tij ishte kundërkushtetuese.