Ambasadori italian në Kosovë, Nicola Orlando ka takuar sot zëvendëskryeministrin, Besnik Bislimi, me të cilin ka biseduar për krizën pandemike, reformat urgjente, integrimi në BE dhe për dialogun që udhëhiqet nga BE-ja.
Kështu ka bërë të ditur Orlando përmes një postimi në llogarinë e tij në Twitter, gjersa ka shtuar se gjatë takimit ai ka siguruar Bislimi për mbështetjen e vazhdueshme të Italisë për Kosovën.
“Përgjigja e Qeverisë ndaj përkeqësimit të krizës pandemike, reformat urgjente, integrimi në BE dhe dialogu i udhëhequr nga BE-ja ishin sot tema të një takimi shumë frytshëm me zëvendës kryeministrin, Besnik Bislimi. Unë e përgëzova atë dhe e sigurova për mbështetjen e vazhdueshme të Italisë për Kosovën. Ne u pajtuam të mbesim në kontakt të ngushtë”, shkroi ai.
Govt response to worsening pandemic crisis, urgent reforms, #EU integration & EU-led dialogue were topics of very productive meeting w/Deputy PM @BislimiBesnik today. I congratulated him & assured #Italy's continued support to #Kosovo. We agreed to remain in close touch.
🇮🇹🇪🇺🇽🇰 pic.twitter.com/D6J6KgvRv9
— Nicola Orlando (@nicolaorlando) April 7, 2021