Ambasadori i Kosovës në Francë, ka reaguar për sulmet terroriste që kanë ndodhur sot në qytetin Nice të këtij shteti.

Ambasadori Gashi ka shpërndarë një reagim të Ambasadës së Kosovës në Francë e cila dënon këto sulme, duke shkruar se Kosova është me popullin dhe qeverinë franceze në këto kohë të vështira, shkruan Reporteri.

“Ne dënojmë fuqishëm sulmet terroriste në Nice. Kosova është me popullin dhe qeverinë franceze në këto kohë të vëshitra dhe zemra tona janë me familjet e viktimave dhe të plagosurit. Terroristët nuk do të fitojnë”, thuhet në postimin e ambasadës së Kosovës në Francë.

Nous condamnons fermement les attaques terroristes à #Nice. Le #Kosovo est avec le peuple et le gouvernement #francais durant ce moment difficile, et nos pensées vont aux familles des victimes et des blessés. Les terroristes ne gagneront jamais ! ???? https://t.co/Dog7jV8WSS

— Kosovo en France (@KosovoenFrance) October 29, 2020

Gjatë ditës edhe presidenti i vendit,  Hashim Thaçi, e ka dënuar sulmin në Francë, me anë të një shkrimi në profilin e tij në Twitter.

“Kosova qëndron pranë popullit dhe Qeverisë së Francës në këtë moment të vështirë, mendimet tona janë me familjet e viktimave dhe të plagosurve. Terroristët nuk do të fitojnë kurrë”, shkruan Thaçi ndër të tjera.

Sulmi në Nice të Francës, i cili dyshohet se është me motive terroriste la të vdekur tre persona dhe disa të plagosur mëngjesin e sotëm. /Reporteri.net