Ambasadorja e Kosovës në Suedi që mbulon edhe Finlandën, Islandën dhe shtetet baltike, Shkendije Geci është shprehur e pikëlluar me tragjedinë e djeshme, ku e plagosur mbeti edhe një vajzë nga Kosova, shkruan Reporteri.net.

“Thellësisht e pikëlluar nga tragjedia në Finlandë, veçanërisht duke e ditur se një nga të plagosurit është një vajzë nga Kosova. U dërgoj dashuri, mbështjetje dhe ngushëllime të përzemërta gjithë të prekurve nga kjo ngjarje e tmerrshme. Iu gjetë forca dhe shërimi në këtë kohë të vështirë”, ka shkruar ajo në “X”.

Një 12-vjeçar mëngjesin e së martës ka plagosur tre nxënës të shkollës ku dhe ai vet vijonte mësimet.

Njëri nga ta nuk arriti t’i mbijetoj plagëve.

Ai u arrestua nga policia pesë kilometra nga shkolla ku dhe ndodhi sulmi.

Policia bëri të ditur se fëmija ishte i qetë momentin e arrestimit, dhe se arma i përkiste një familjari te tij./Reporteri.net/