Djali i veprimtarit Ukshin Hoti, Andini që tash është deputet i PDK-së, ka folur me rastin e 20-vjetorit prej kur babai i tij është zhdukur nga forcat serbe prej burgut të Dubravës.

Ai kujton gjendjen para 20 vjetëve kur prindi i tij u nxor nga burgu i Dubravës dhe më s’u pa asnjëherë.

Ai thotë se ka qenë 12-vjeçar në atë kohë ndërsa tregon se, për të, hera e fundit kur e ka takuar babain e tij, ka qenë më e keqja.

“Hera e fundit kur jemi taku me babin ka qenë me e keqja. Ne kemi shku çdo muaj ta vizitojmë. Herën e fundit në burg as nuk na kanë lënë të flasim shqip e as të kemi kontakt fizik”, ka thënë Hoti për T7.

Përgjatë këtyre dy dekadave ai thotë se familja e tij, e sidomos motra e Ukshin Hotit, ka gjurmuar pa u ndalur për të mësuar fatin e veprimtarit, por asgjë nuk ka ndihmuar aq sa të gjetët ai.

“Kemi pasur informata të shumta, po asnjëra prej tyre nuk ka pasur ndonjë rezultat”, ka thënë Hoti.