Arben Vishaj është emëruar ushtrues i detyrës së drejtorit të Klinikës Infektive në QKUK.

Lajmin e kanë konfirmuar nga zyra për media në Shërbimin Spitalor dhe Klinik Universitar i Kosovës.

“Mund të ju konfirmojmë se Arben Vishaj është emëruar u.d i Klinikës Infektive”, thuhet në përgjigjen e dhënë për Telegrafin.

Emërimi i tij vjen pas dorëheqjes së Izet Sadiku i cili mbajti këtë pozitë për rreth 3 muaj. Sadiku poashtu ishte emëruar ud. pas dorëheqjes së Lindita Ajazi-Berishes.

Sadiku kishte deklaruar ka deklaruar se ka tri javë që ka dorëzuar dorëheqjen në drejtorinë e Shërbimit Spitalor Klinik Universitar të Kosovës.

Ai sqaroi se dorëheqja është për arsye personale dhe se në krye të Infektives kishte ardhur për shkak se gjendja me pandeminë ishte e rëndë dhe klinika ishte pa drejtor.

“Kam dhënë dorëheqje tash e tri javë për arsye personale. Unë e kam marrë klinikën në kohën kur ka pas shumë raste me COVID-19 për shkak se ka qenë pa drejtor, tash kam dhënë dorëheqje sepse ka qenë për një periudhë kalimtare”, tha Sadiku.

Ndryshe, Klinika Infektive tash e tri javë ishte pa drejtor.