Po vazhdon vizitën humanitare, ish-presidenti i Kosovës Hashim Thaçi, i cili po i qëndron pranë babait të tij të sëmurë.

Ai mori përkrahje të madhe nga qytetarët e rastit, teksa u brohorit për t’u përshendetur.

E këtë përkrahje që iu bë sot në klinikën Interne në QKUK, Thaçi s’e la pa e shpërndarë edhe djali i tij, Endrit.

Për vizitën e Thaçit në Kosovë, nga Dhomat e Specializuara në Hagë thanë për Gazetën Online Reporteri.net se u lejua për arsye bindëse humanitare.

“Për arsye humanitare bindëse, Trupi Gjykues dhe Gjykatësja e Procedurës Paraprake kanë udhëzuar Zyrën Administrative që të menaxhojë një vizitë nën mbikqyrje në Kosovë të Hashim Thaçit për ta takuar babain e tij. I akuzuari mbetet në paraburgim të Dhomave të Specializuara”, tha zëdhënësi Michael Doyle për Reporteri.net.

Thaçit deri më tani i ishin refuzuar disa kërkesa për ta vizituar babanë e sëmurë.