Për blerjen e tepihëve dhe perdeve, Arkiva e Kosovës ka shpenzuar 3 mijë e 400 euro. Fitues i tenderit është shpallur kompania “4ING SH.P.K” nga Podujeva.

Punëtorët e Agjencisë Shtetërore të Arkivave të Kosovës tash e tutje do të ndihen më komod në zyrat e tyre.

Ata do të ecin nëpër tepihë të rinjë dhe nëpër dritare do të vendosin perde të reja.

Ky ndryshim në zyrat e Arkivave buxhetit të shtetit i ka kushtuar jo me pak se  3 mijë e 422 euro, shkruan Gazeta Online Reporteri.net.

Blerjen e tepihëve dhe perdeve ky institucion ia ka besuar kompanisë “4ING SH.P.K” nga  Podujeva, pasi edhe është shpallur fitues në tenderin “Furnizim me tepihë dhe perde për nevojat e ASHAK-së”.

Sipas njoftimit të shpallur në KRPP për këtë tender në garë ishin katër kompani.

Për ketë tender, kompania nga Podujeva është shpallur fituese tri ditë me parë, më  22.03.2022. /Reporteri.net/