Arkivoli me trupin e shkrimtarit, Ismail Kadare, është nisur drejt varrezave të Tufinës. Përcjellja e tij po bëhet me ceremoni të lartë shtetërore.

Para arkivolit të gjeniut të letrave shqipe bën homazhe familjarë, miq e liderë nga Shqipëria e Kosova.

Kadare vdiq më 1 korrik në moshën 88-vjeçare.

Në homazhet në Teatrin e Operas dhe Baletit në Tiranë ishin edhe krerët e shtetit të Kosovës.

Kurti ishte i pranishëm bashkë me ministra dhe deputetë të VV-së.

Padyshim në librin e zisë nuk munguan as fjalët e kreut të qeverisë për shkrimtarin Ismail Kadare.

“Pikëllimi është i thellë, admirimi është i lartë”, shihet të ketë shkruar mes tjerash Kurti.