Ishte kohë pushimesh dhe atë e shfrytëzuan hajnat. Ata me 13 gusht e thyen një shtëpi në Isniq të Deçanit që është pronë e Tahir Balajt e që në atë kohë ishte bosh.

Pronari që gjendej në biznesin e tij në Deçan mendon se keqbërësi gjatë kohës kur u krye vjedhja atë e kishte nën vëzhgim.

Dyshimet për përcjellje u ngjallën edhe më shumë pasi hajnat kur kishin hyrë në shtëpi shkuan direkt tek vendet ku ndodheshin stolitë dhe paratë e gatshme.

E vlera e dëmit sipas pronarit është rreth 10 mijë euro.

Kjo shtyu pronarin që të instalojë edhe sisteme shtesë të sigurisë. Për këtë rast ishte njoftuar edhe policia e cila të premten pas dy muaj hetimesh i arrestoi katër të dyshuar për këtë rast.