Dy personat të cilët rrahën brutalisht një vajzë në Pejë janë arrestuar nga Policia e Kosovës.

Këtë e ka bërë të ditur për Gazetën Online ‘Reporteri.net’, zëdhënësi i Policisë së Kosovës për rajonin e Pejës, Fadil Gashi, i cili ka thënë po ashtu se viktima është dërguar në spital pasi ka pësuar lëndime trupore, shkruan Reporteri.net.

“Rreth orës 14:00 në rrugën Nëna Tereza në Pejë, Policia ka hasur në një rrahje e cila ishte në progres, Ka arrestuar dy persona, viktima është dërguar në spital. Rasti nga Prokurori është cilësuar si lëndim i lehtë. Dy persona janë dërguar në mbajtje”, tha Gashi.

Rasti nga Prokurori është cilësuar si lëndim i lehtë.

Ndryshe në një video të publikuar shihen dy persona, një grua dhe një djalë teksa rrahin një vajzë në mes të rrugës.

/Reporteri.net