Policia në Prishtinë ka arrestuar tre persona nën dyshimin se kanë trafikuar dhe e kanë shtyrë drejt shërbimeve seksuale një vajzë të mitur.

Rasti ka ndodhur mesnatën e së hënës në Prishtinë, ku pas arrestimit të të dyshuarve është njoftuar prokurori kujdestar.

Me vendim të prokurorit, të dyshuarve iu është caktuar masa e ndalimit dhe janë dërguar në qendrën e mbajtjes për 48 orë.

Policia në raportin 24 orësh bën të ditur se viktima është dërguar në strehimore.