Policia e Kosovës ka njoftuar se ka arrestuar një 27-vjeçar, pasi që i njëjti dyshohet se ishte i përfshirë në së paku 8 vepra penale.

Sipas PK-së, i dyshuari kishte kryer veprat si vjedhje dhe asgjësim pasurie të ndodhura në zonën e Fushë-Kosovës përgjatë këtij muaji.

“Ndaj tij policia ka filluar një hetim më të gjerë dhe me urdhër të prokurorit të shtetit i njëjti është dërguar në qendrën e mbajtjes për 48 orë, për tu proceduar më tej”, thuhet në njoftim.