Arrestohet 51 vjeçari që vrau me armë zjarri gruan e tij në Skenderaj

Është arrestuar 51 vjeçari i cili ka qëlluar për vdekje gruan e tij me armë zjarri mesditën e sotme në fshatin Llaushë të Skenderajt.

Siç bën të ditur Policia, pas intervistimit të dyshuarit i është caktuar edhe masa e ndalimit policor, shkruan Gazeta Online Reporteri.net.

“Lidhur me veprën penale është arrestuar i dyshuari, nga i njëjti është sekuestruar një armë e llojit Pistoletë me tre fishek, ndërsa në vendin e ngjarjes janë sekuestruar 6 gëzhoja”, thuhet në njoftimin e Policisë.

48 vjeçarja ka marrë lëndime të rënda dhe është dërguar me urgjencë në spitalin rajonal në Mitrovicë, por që më vonë ka vdekur.

“Trupi i pajetë i viktimës është dërguar për obduksion në IML”, thuhet në njoftim. /Reporteri.net/