Në 30 vjeçar është arrestuar nga Policia e Kosovës në Ferizaj pasi dyshohet se pas një mosmarrëveshjeje i ka shkaktuar lëndime të rënda trupore një personi duke e goditur me mjete të forta.

Lajmi është bërë i ditur nga Policia e Kosovës, shkruan Reporteri.net.

“Policia, përkatësisht Njësia e Hetimeve nga stacioni policor në Ferizaj, ishte në kërkim të personit të dyshuar dhe pas një pune intenzive në terren dhe informacioneve të siguruara, ka arritur që sot rreth orës 16:10 të arrestojë personin e dyshuar me inicialet L.B (M/K) i moshës 30 vjeçar”, ka njoftuar Policia.

I dyshuari, pasi është intervistuar nga policia, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore.

Njoftimi i plotë i Policisë:

Stacioni policor në Ferizaj nga Drejtoria Rajonale e Policisë në Ferizaj, me datën 26.10.2021 rreth orës 22:30 kishte pranuar një informacion se në një rrugë të Ferizajt është një rast i lëndimit të rëndë trupor .

Në lidhje me këtë, policia ka marr veprimet e duhura dhe menjëherë ka dalë në vendin e ngjarjes dhe nga hetimet e para është mësuar se , për shkak të një mosmarrëveshje një person i ka shkaktuar personit tjetër lëndime të rënda trupore me një mjet të fort dhe i dyshuari kishte ikur në drejtim të panjohur.

Ndërkaq, i lënduari ishte dërguar për ndihmën e parë mjekësore në Qendrën Emergjente në Ferizaj, për tu trasportuar më pastaj për tretman të mëtutjeshëm mjekësorë në Qendrën Klinike Universitare në Prishtinë (QKUK), i cili po trajtohet ende atje.

Policia, përkatësisht Njësia e Hetimeve nga stacioni policor në Ferizaj, ishte në kërkim të personit të dyshuar dhe pas një pune intenzive në terren dhe informacioneve të siguruara, ka arritur që sot rreth orës 16:10 të arrestojë personin e dyshuar me inicialet L.B (M/K) i moshës 30 vjeçar.

I dyshuari, pasi është intervistuar nga policia, me vendim të Prokurorit të Prokurorisë Themelore në Ferizaj, i njëjti është dërguar në mbajtje për 48 orë , për procedura të mëtejme hetimore.