Është arrestuar një person në Ferizaj pasi iu është gjetur një pistoletë, dy karikator, një fishek dhe një shufër metalike.

Siç njofton Policia, i dyshuari me inicialet E.D., është ndaluar për kontroll të martën në ora 03:10, dhe pas shqiptimit të gjobës për mosrespektim të orarit për lëvizje, është kontrolluar, me ç’rast i janë gjetur armët.

Ndaj të dyshuarit 36-vjeçar është iniciuar rasti penal ‘mbajtje në pronësi, kontroll ose posedim i paautorizuar i armës’.