Policia e Kosovës pas një pune intensive hetimore dhe operacionale ka arritur që sot, pak pas mesnatës, të arrestojë një të dyshuar për grabitje të armatosur, e cila ka ndodhur në muajin nëntor të vitit të kaluar.
Zëdhënësja e Policisë Rajonale të Prishtinës, Florie Ahmeti-Haziraj, tha se i arrestuari dyshohet për grabitjen që ka ndodhur më 26.11.2018, në një filial të bankës, në rr. “Robert Dol”, në Prishtinë.
Personi i dyshuar ka qenë në arrati që nga kryerja e grabitjes dhe i njëjti ka rezistuar gjatë arrestimit, tha zëdhënësja e Policisë.
“Zyrtarët policorë janë detyruar që për ta futur nën kontroll të kërkuarin kanë aplikuar forcën e domosdoshme dhe proporcionale për arrestimin e tij. Gjatë arrestimit edhe njp zyrtar policor ka pësuar lëndime të lehta trupore”, tha Florie Ahmeti-Haziraj.
Të dyshuarit i janë konfiskuar para në euro dhe dinarë të Serbisë.
Në konsultim me prokurorin kujdestar, i dyshuari dërgohet në Qendër te Ndalimit, për procedura të mëtejme.
Reporteri.net është gazetë online e lajmeve nga vendi dhe bota. Qëllim kryesor ka informimin e drejtë, të paanshëm dhe të shpejtë. Reporteri.net, në pronësi të “R Media L.L.C.”, është themeluar në mars të vitit 2019 dhe drejtohet nga gazetarët Bekim Kabashi dhe Mentor Gjergjaj.
E-Mail: info@reporteri.net
Marketing: marketing@reporteri.net
Adresa: Rr. UÇK, Nr. 102/11 10000 Prishtinë, Kosovë
© Reporteri (R Media L.L.C.), 2019-2025. Të gjitha të drejtat e rezervuara.